ភ្នំពេញ៖ រដ្ឋមន្ត្រីការបរទេសកម្ពុជា លោកឧបនាយករដ្ឋមន្ត្រី ប្រាក់ សុខុន បានចូលរួមជាមួយសហការីជុំវិញពិភពលោកក្នុងការកាន់មរណៈទុក្ខរបស់លោក ស៊ីនហ្សូ អាបេ ដែលថា «ជាមិត្តដ៏ល្អរបស់កម្ពុជា»។
លោកឧបនាយករដ្ឋមន្ត្រីបានសរសេរថា៖ «ខ្ញុំសូមចូលរួមរំលែកទុក្ខយ៉ាងក្រៀមក្រំបំផុតទៅកាន់ក្រុមគ្រួសារ និងមិត្តភ័ក្តិរបស់ ឯកឧត្តម ក៏ដូចជាប្រជាជនជប៉ុន ចំពោះភាពសោកសង្រេង និងការបាត់បង់ដ៏ធំធេងមួយនេះ។ សមិទ្ធិផលរបស់ឯកឧត្តមទាំងប៉ុន្មាននឹងត្រូវបានមនុស្សរាល់គ្នាចងចាំ និងវាយតម្លៃខ្ពស់ពីមួយជំនាន់ទៅមួយជំនាន់»។
លោកបានភ្ជាប់រូបថតសខ្មៅរបស់លោក ស៊ីនហ្សូ អាបេ ដែលបញ្ជាក់ពីការចូលរួមកាន់មរណៈទុក្ខដ៏ក្រៀមក្រំនេះផងដែរ៕
ព័ត៌មានជាច្រើនទៀតសម្រាប់អ្នក
